Fressn

I hab mir ein Würschtl in der Semmi gholt. Da ist er mir übern Weg glaffa. Wie ich grad den Senf vom Wurschtzipfel geschleggt hab. Vor Schreck hab i mei Blusn eigsaut.

Na, i mog heit koa Suppn.
Ned mit Fladl, ned mit Nockerl,
ned vom Ochs, ned vom Gockerl,
vom Gmüas koane Brüah.
I mog die Wärme von dir.

Na, i mog heit koan Knödel,
koa Lüngerl, koane Nudeln,
koan Schweinsbratn, koa Bier
und a koa saure Niern.
I mog nur di bei mia gspürn.

Na i mog heit nix Süaß.
Mog koan Pudding und koan Gries,
koa Dampfnudl , koan Strudl,
koane Tortn mit Nusserl.
I mog von Dir a liabs Busserl.